【《金都》: 用一個象徵結婚的地方,講述婚姻與愛情的無奈嗟歎,絕對是最悲傷現實嘅諷刺 】

-以下內容含電影《金都》劇透,請自行斟酌閱讀

鄧麗欣唔再係啊寶,喺《金都》入面,佢係一個一直逃避自己人生,冇乜理想,冇乜目標,喺朋友婚紗鋪到打工嘅張莉芳。30幾歲嘅佢,有個做婚宴攝影老闆嘅男朋友Edward,身邊嘅朋友覺得Edward係佢嘅王子,兩個人拍拖又同居左一段咁長時間,大家都覺得下一步理所當然係結婚生仔,而Edward亦喺呢個時候求咗婚,就咁睇嚟,好似都好符合世俗期望,完成咗人生checklist上面,一個所謂非常重要嘅task。而事實上,莉芳其實對於呢個對象,呢段關係,呢段婚姻,怎至自己內心,都非常懷疑⋯⋯
 

張莉芳呢一個看似平凡的小品故事,就正正恰如其分地,道出一個個令人無奈的愛情現實:

// 1.「 所謂嘅世俗眼光,摧毀咗好多愛情。」
明知錯都要走落去,對自己同對方一樣殘忍 //

明明愛情應該係屬於兩個人,明明個人生係你自己嘅,但係偏偏好似全個世界都要介入。

朋友話女人要趕得切Meet到30歲前結婚嘅死線;
屋企話結婚唔只係兩個人嘅事;
世俗話冒險係唔理智,人生就係要計劃,打份牛工,儲錢,買樓,結婚,生仔,辛苦養大個仔,再睇住佢又跌入呢個輪迴地獄⋯

世俗係一個好大嘅陰影,會擋住你視線,一直喺陰影下面行,你點行落去都見唔到陽光,

唔好俾所謂嘅社會標籤,殺死你嘅愛情。
你同另一半嘅幸福,只需要由你哋兩個做決定就夠好了。
.
.
// 2.「 結咗婚無自由,咁唔結婚你又覺得好自由咩?」
真正嘅自由,係要對自己嘅決定負責 //

.
婚姻同自由本身其實無直接關係,
如果選擇結婚,係你同另一半真心為自己做嘅決定,咁又點會係令你失去自由嘅原因呢?

我哋好多時覺得自己被困,
覺得好多嘢都係被迫,
覺得自己根本無得選擇,
但係事實可能係,你唔理解你自己想要嘅自由喺咩一回事。

真正嘅自由,係要先清楚自己,
為自己做決定,然後對自己做嘅決定負責。

// 3.「一齊咁耐點解你都唔明白我?」
我哋只顧期望另一半可以抽絲剝繭咁了解自己
忘記咗自己喺段關係入面都有需要坦誠嘅責任 //

無人天生有讀心超能力,「你趷起條尾就知你諗啲乜」,
都要經歷過相處同觀察,一次又一次解讀錯誤之後,
再一次又一次修正再磨合先做得到;
千祈唔好一句:我哋一齊咗咁耐你都唔知我諗乜,就騎劫咗對方為段關係付出嘅努力

我哋會因為覺得點解對方唔了解、唔明白自己而失望,
對方亦同樣會因為我哋乜都收收埋埋而覺得不被信任。

// 4. 控制狂唔係因為太愛⋯⋯
只係因為怕無咗對方之後,自己嘅生活唔知會變成點 //

真正愛一個人,你唔會希望佢成為你操縱之下嘅一個傀儡,因為當佢活係你嘅操縱之下,就已經唔係最初你愛嘅嗰個佢;

一心要控制對方,
只係想對方可以跟你嘅諗法去做,
一旦佢唔跟你諗好嘅方向去行,
你就會覺得好不安,
咁樣,根本唔係愛對方,
你只係需要對方一直留喺你身邊,
你只係習慣咗對方喺你生命嘅存在,
你怕如果你失去咗佢,你嘅生活,你嘅人生,
唔知會變成點,所以你先會想完全控制佢。
咁樣嘅你,愛嘅唔係對方,而係你自己。

《金都》用一個象徵結婚嘅地方,講述婚姻同愛情嘅無奈嗟歎,絕對係最悲傷現實嘅諷刺;
現實世界嘅愛情,唔可能一直都係童話故事mode,現實好擅長將浪漫嘅愛情濃縮,變成柴米油鹽,
我哋身為故事入面唔完美嘅主角,就要學習喺唔完美嘅愛情入面,搵出屬於自己嘅幸福。

.
.
#結婚到底為自己定為咗其他嘢 #金都 #婚姻係唔係戀愛墳墓就要睇吓你因為咩而結婚 #世俗眼光真係咁重要咩 #愛情與現實 #愛情長跑啲friend愛情長文 #香港 #香港人 #愛 #愛情 #愛情語錄 #女朋友 #男朋友 #女生 #男生 #兩性 #兩性關係 #拍拖 #拍拖活動 #Dating #love #lovequotes #girlfriend #boyfriend #relationshipgoals
.
.
😀 記得Like 港式情侶 HKstyleCouple ,多多支持,多多指教!
.
.
追蹤我們・FOLLOW US
1/ FACEBOOK – 港式情侶 HKstyleCouple:https://www.facebook.com/HKstyleCouple
2/ INSTAGRAM – https://www.instagram.com/hkstylecouple/